PANTON ANEUK LAOT.
Gunong gurute pucak seureubeh,
Seunuron blah deh na lampoh pala,
Ingat keunasib sabe lam seudeh,
Han abeh2 dalam sengsara..
Ureng boh pukat meutindeh lapeh,
Lam kawan bileh ungkot junara,
Puekeuh nasib lon ka ohno gareh,
Cit ka geutuleh le po rabbana..
Ta ikat benteung ngon talo tapeh,
Ta ikat empeh ngon uroet paya,
Neubri ya allah hate lon beugleh,
Meubek keuh jayeh iman lam dada..
Memang that lagak raneup seulaseh,
Beugot ta leupeh dalam cerana,
Neubri keu lon nyo akai bek paleh,
Walaupun peudeh nasib lon rasa..
Bakat meualon riyeuk meulapeh,
Bicah dum buweh lam laot raya,
Beuek lon saba dak gop peujayeh,
Beu sabe rumeh sipanjang masa..
Ibarat rumoh ubong ka tireh,
Beujeut lon tindeh ngon on meuriya,
Meunan tamselan wahe e wareh,
Panton lon tuleh aso lam dada.
Karya : Nek Din Lamno
